夏文汐出軌老公唔mind
女人一生都在追求戀愛，可惜男人卻不會跟同一個女人談長達一生的戀愛。夏文汐與陳偉霆主演的新片，正是探討中年女人的感情着落，女人出軌，誰能判定是女人的操守問題，還是男人的不濟？
正如女作家王迪詩寫道：「男人可以拈花惹草，難道女人就不會紅杏出牆？」夏文汐在久休復出的新片《出軌的女人》中，就是飾演一個甘為愛情而出軌的人妻。
夏文汐說：「十幾年冇演戲，套戲意識仲咁大膽，起初以為三個女會唔畀我拍，點知佢哋冇反感，仲話『Just a movie, go ahead』，呢套戲我拍得好爽，可以做番嘢，又有人仲記得我，但都有唔爽，就係三更半夜開工，不過我都enjoy！（唔爽被指同嫩男夜蒲？）我老公知實情，唔會信啲報道，佢明我出番嚟拍戲一定會有呢啲新聞，從來冇擔心，仲好放心。」
唔恨攞獎
陳偉霆在戲中則憑藉用不完的體力，於床笫間俘虜了夏文汐、吳家麗及葉璇，戲外則獲夏文汐大讚演技出色，有力問鼎獎項，他謙稱：「多謝Pat姐（夏文汐）讚賞，但我唔敢奢望攞獎，始終呢套只係我第二套擔正嘅戲，但我真係幾鍾意套戲，可以畀我一人分飾兩角，但阿哥同細佬兩個角色喺外形上冇大分別，要靠演出嚟令觀眾區分，認真過足戲癮，攞唔攞獎真係冇諗，只係希望觀眾會鍾意。」
夏文汐
化妝：瞳諺．小白
髮型：James @ Hair
服裝：Laurel
陳偉霆
化妝：Khaki
髮型：Davy @ Chin G.
服裝：Club Monaco
文：陳專
攝：秦健輝