謝安琪台灣開騷心情忐忑
謝安琪（Kay）日前首次在台灣Legacy舉行音樂會，當日正值日本發生大地震，開騷前得知台灣也有海嘯警告，令她忐忑不安，她說：「知道有咁嚴重天災，睇到咁多人痛失家園、生命，心裏面好難過，還好演出場地冇受影響，可以如期舉行，見到香港、內地、澳門、台灣歌迷都來到，開場時激動得想大叫。」
在台灣還屬新人的Kay收到孫燕姿的花籃，令她受寵若驚，而當日最令她驚喜是前輩陳昇（圓圖）前來捧場，她笑說：「開騷前兩日我喺度排練，原來佢喺隔籬無意經過，我梗係邀請佢嚟睇，估唔到佢真係有嚟，好開心。」
音樂會期間，樂隊蘇打綠的小威、馨儀更捧住蛋糕上台為Kay補祝13日生日，問到Kay的生日願望，她說：「送給受災嘅人，希望大家可以渡過難關！」
