趙碩之美國艷遇 山寨湯佬邀做伴遊
性感女神趙碩之（Wylie）農曆新年曾求桃花，估不到很快便見效，她早前到美國登台，遇上「翻版湯告魯斯」自薦做導遊，但由於對方是陌生人，趙碩之擔心安全之下而沒有應約！
趙碩之於今個農曆新年曾行桃花林望增桃花運，結果相當靈驗，她早前於美國登台期間，便遇到不少「艷遇」，她笑說：「我唔知係咪剪咗個新髮型，喺美國好多人都以為我係日本女仔，有啲仲走嚟問我係咪喺日本嚟，當中有啲都幾靚仔，曾經試過有個貌似湯告魯斯嘅型男，仲同我講話做我美國嘅導遊，但我始終係一個女仔，唔係咁安全，所以都婉拒咗！」
貼身舞嚇破膽
談到在外地的「艷史」，Wylie直言最難忘一次是在多倫多登台，曾經有位貌似黑人與她共舞時，忽然跳了貼身舞，令她大吃一驚，她謂：「嗰次登完台，請我登台嘅老闆話帶我哋去club玩，喺嗰度認識咗個型男，點知佢請我跳舞時，跳跳吓變咗貼身舞，唔知佢係咪有生理反應，嚇到我唔敢貼咁耐，即刻彈開！」
趙碩之笑言想遇到真命天子，但若真的遇上，都不會閃電結婚，因Wylie覺得互相了解很重要，不希望他朝會因了解而離婚。
採訪：影視組
攝影：鄭家俊
髮型：Jackal@HAir
服裝：FLORUCCI
場地：金牌小龍（皇室堡）