Hazel一字馬名車前晒線
組合Octobeez成員Hazel、Hidy及Rika日前為跳舞組合Bro5拍攝新歌《暴走NaNa》的MV，公司不惜出動三部總值六百萬的名車做布景，香車配美人，三女在靚車前搔首弄姿大擺性感動作，其中Hazel輕易擘開一字馬向前烏低身，露出深長事業線，而Rika則「彭丹」上身將隻腳放上頭，難度極高，睇到Bro5幾位成員拍手大讚。
愛車的Bro5成員何浩文（Dominic）鍾情黃色的林寶堅尼：「呢架車係好多人嘅dream car，市值超過三百萬，雖然暫時未可以擁有，有得揸過吓癮都好。」問他會否跟緋聞女友「糖妹」Kandy遊車河拍拖？他說：「嘩，咁貴？我哋坐普通車兜風得喇！」
