睇Flash ON心思思 李亞男搵祖藍試彩妝做白老鼠
由《Flash ON weekly》舉辦的《FLASH Outline彩妝藝術互動展覽》一直以來吸引不少名人到訪，昨日李亞男與劉倩婷都前來欣賞，李亞男笑言可以叫王祖藍讓她試妝，另外祖藍又透露李亞男教他英文，二人互惠互利。
《Flash ON weekly》舉辦的彩妝展覽展示多款大膽前衞形象，不少藝人都大讚並揚言很想嘗試，李亞男對於展覽都有讚無彈：「成個展覽都好有時代感，好high fashion，又推廣時裝，成個感覺好潮。（有冇試過化大膽妝？）冇，近排公司影新profile相，都有少少形象改變，不過未去到咁大膽，因為驚啲人唔認得。」
問李亞男會否想化大膽妝時，她就想到可以叫男友王祖藍先作白老鼠，她謂：「可以拎佢嚟試妝，佢化女仔妝好靚女，咁化完覺得個妝OK我先再化咪得囉！」
而另一邊廂王祖藍就以「慳啲啦Auntie」形象出席其兒童音樂劇簽唱會，祖藍表示出該唱片時女友李亞男都有幫手：「之前都有請教佢英文，不過佢笑我啲咬字正得滯喎！」
劉倩婷得個恨字
而《FLASH Outline彩妝藝術互動展覽》同場更有前港姐劉倩婷，她欣賞展覽時都表現雀躍並說：「好靚呀，好sharp。我不嬲都好鍾意睇啲頭髮造型、時裝嗰啲，所以我好羨慕，覺得成件事好crazy。（有冇試過化呢啲妝？）冇呀，因為港姐出身個形象都要斯文。」她更透露自己化不同的妝都會有很大的變化，可塑性非常高。另外陳靜師妹Bambi、Ivy與Iris都有前來欣賞，她們都覺得各妝容非常有創意，想試一試。
文：影視組