超雲留一線唔排除食聰
賭王何鴻燊女兒何超雲緋聞傳個不停，近日有指她包養陳山聰，不過超雲強調自己絕不會供養男人，但就表示不排除有發展空間，為日後留一伏線！
近日何超雲與圈中多位男藝人名字扯上關係，其中更傳出她包養陳山聰，繼而爆出陳山聰已結婚及離婚，錯綜複雜。
因緋聞加深接觸
一直對事件不作回應的超雲，終於按捺不住，主動聯絡傳媒澄清有關傳言。她先強烈否認自己包養陳山聰：「我唔會供養任何一個男人，我唔需要人養我，但我都唔會養人。（同陳山聰係咩關係？）普通朋友，但反而因為呢段緋聞而多咗聯絡。（情人節係咪同佢過？）絕對唔係，唔知啲相點解拼到一模一樣。」
對於陳山聰被爆已婚及離婚，超雲表示之前並不知情，亦感覺不到對方有意追求。至於回復單身的山聰可會是她喜歡的類型？她就有保留地說：「如果話完全冇又唔係，但話有你哋又多聯想，所以我答唔定。」超雲又重申沒有包養陳山聰到陽明山莊居住，該處亦不是母親名下物業，更沒有以寶馬名車接送對方到大宅，笑言：「唔係淨係何家先買得起寶馬。」
收拾心情專注工作
而陳山聰就謂知道對方會接受訪問，問到會否覺得超雲是為了他才做訪問？他說：「其實係大家都想告一段落，佢先得22歲，點會養男人。（但佢有保留同你發展空間？）咁佢梗係咁答啦，好似我雖然回復單身，但我都唔敢答有冇發展機會。」
山聰表示因為這段緋聞，反而令雙方建立了信任和友誼，但現時會收拾心情專注工作。他表示一直有與樂易玲交代自己感情和婚姻情況。此外，在新劇與陳山聰合作的葉翠翠就力撐拍檔：「我接觸過佢真人，知報道係錯，佢開工嗰陣對個個人都好好。」
文：名人組