C AllStar升呢攞獎好感觸

新進組合C AllStar早前接受無綫娛樂新聞台的《范後感》節目訪問,跟主持人許文軒及黃曉明大談入行經過,他們表示兩年前於同一個歌唱比賽中,由競爭對手變成現時的隊友,初入行的時候,他們曾經於旺角街頭演唱一齊被人指指點點,直至近日在頒獎禮上頻頻攞獎,實在非常感觸!成員On仔說:「我哋希望用歌聲實現自己理想,同時都係為一班『80後』平反,其實80後都可以有理想同埋目標,用歌曲感染其他人。」提到拍拖,Jase說:「依家啱啱做新人,收入唔多,好難拍拖喎,暫時工作為先啦,工作穩定先再搵女朋友。」