余文樂買370萬戰牛追貼富友

余文樂愛車如命,縱使撞正加車稅仍不惜豪擲三百七十多萬,購入灰色的新款GALLARDO COUPE林寶堅尼超級跑車(戰牛)!新車周一剛落地,樂仔翌晚即相約沈嘉偉胞弟,齊駕同款名車出巡,期間更興奮得不停為「新歡」拍照留念!

余文樂出道以來工作不斷,近年亦不時北上拍劇密密搵銀,自與愛車之人沈嘉偉、張智霖等埋堆後,他出手更見闊綽,不時換靚車。月前,一直視林寶堅尼為dream car的樂仔看中了一部灰色的新款GALLARDO COUPE林寶堅尼超級跑車,據悉樂仔試車後對這部超級跑車甚為鍾愛,僅考慮一會已極速扑錘訂購。雖然樂仔的愛車到港時剛巧增加私家車首次登記稅,但他為購得心頭好,也不惜比預期多付廿多萬,豪擲三百七十多萬揸走新歡!

手口並用研究

樂仔的愛車本月7日剛落地一天,他已急不及待於翌晚相約沈嘉偉的胞弟沈健偉,雙雙駕駛同色同款的跑車往灣仔出巡。當晚大約凌晨一時許,戴帽的樂仔駕着新車與沈健偉於灣仔兜風後,便驅車往附近的油站入油,樂仔急急腳下車,並興奮地向沈健偉講述剛才駕駛新車的情況,未幾他還拿出手機為「新歡」大拍寫真,更指手劃腳地研究新車的零件。向來親民的他也跟上前八卦的油站職員閒聊一會,才與沈健偉雙雙驅車離開。

多付車稅肉赤

本報聯絡上樂仔,他回應林寶堅尼是其入行十年來的Dream Car:「入行時已經諗住買咗樓畀媽咪,照顧到屋企,有能力就會買呢部跑車畀自己。其實都冇諗過畀人知,如果唔係都唔使半夜先揸出街。」提到剛巧加車稅,樂仔說:「好慘,好肉赤!好似切咗我忽肉咁,惟有勤力工作啦。(媽咪有冇詐型?)佢都『哦』咗我一聲囉,咁佢都知我好鍾意車嘅。」

文、攝:追蹤組

想跟阿叻一同切磋賽馬心得,立即登記參加「靈活至叻爭霸戰」啦!

第一手消息請瀏覽on.cc 東方互動《即時新聞》