吳家樂：「其實懷孖胎除了辛苦外，心理壓力亦會大好多，普通孕婦平時瞓覺都會腰骨痛，懷孖胎嘅母親就承擔更重，所以太太嗰陣都要打側瞓。至於心理壓力方面，一有啲乜嘢事時，唔知邊一個有事，而醫生都會提點，孖胎如果順產嘅，有機會其中一個BB的臍帶翹住另一個BB，呢啲都係風險，做父母少不免多一份擔心。」
產前檢查要細心
蔡加敏：「佗孖胎個肚大得好快，特別最後兩個月更是辛苦，條腰同背都好痛。要多休息，做產前檢查要細心啲，因為要睇兩個B，如果BB位置唔好會影響BB吸收，可能一個吸收多啲，一個吸收少啲，所以係特別擔心。」