蘇永康被誤認梁漢文瘀爆離場

張衞健、蘇永康、許志安和梁漢文BIG FOUR四子，前晚應草蜢邀請為遊戲節目《華麗明星賽》擔任嘉賓。四子悉心打扮亮相切合節目華麗主題，但穿上男裝高踭鞋亮相的蘇永康卻與蔡一智撞鞋，蘇永康又被取笑穿了女友的高踭鞋。

梁漢文笑到踎地

蘇永康拿着權杖catwalk出場大擺甫士，張衞健也不執輸，找來道具木方整蠱作怪明寸蘇永康。張衞健又對披着皮草的蔡一傑說：「我唔記得帶條毛添，我有成執毛o架，係個頭冇啫。」蔡一傑其後擁抱迎接許志安及作狀錫嘴，令觀眾大為嘩然。

梁漢文笑到踎地。

蘇永康一臉尷尬掉頭走。

節目中安排了Star Ladies協助嘉賓比賽，張衞健見靚女即大灑鹽花：「拿拿臨一人Mark一件上房喇！」其後四子反過來要Star Ladies「揀仔」，「賣淨蔗」的蘇永康對Star Ladies張慧雯說：「你好有善心肯揀我。」沒料到這位應屆國際中華小姐季軍竟認錯人，她對蘇永康說：「我唔係善心，你叫梁漢文，我叫張慧雯，我覺得大家有緣分囉。」此言一出即時引來哄堂爆笑，蘇永康被其他三子嘲諷：「講咗成晚原來以為蘇永康係梁漢文。」令一臉尷尬的蘇永康馬上掉頭走，而梁漢文則笑到踎在地上。

張慧雯擺了大烏龍，一時情急眼濕濕。

張衞健拿着鮑魚寸無綫孤寒。

張衞健明寸TVB

擺了大烏龍的張慧雯則一時急到眼濕濕，幾乎淚灑當場。四子及後試食名貴鮑魚，張衞健竟倒TVB米說：「TVB咁孤寒o架，又話啲鮑魚番梘咁大舊，一粒粒嘅。」此外，草蜢接受訪問時，對於節目首集收視理想，他們同聲說：「咁要還神喇。」

採訪：影視組