李彩華賺夠人仔睇定千萬豪宅

早前李彩華積極於內地發展，可惜一回港工作就鬧出與羅霖不和新聞，她直言為此感頭痛。Rain在《娛樂on Show》中再次解釋說：「其實件事無唔開心，反而頭痛囉，因為嗰時好多新聞，啲朋友電話不停打嚟問，其實我本身真係唔識佢（指羅霖），係趙小姐介紹先識，我好驚同新經理人磨合，所以依家會自己搞得掂就自己嚟。」

遇入行最難演角色

近年Rain在內地接拍不少電視劇努力吸「人仔」，亦有報道指她進駐千萬豪宅，她就笑着承認有睇過樓，更直說：「成日都睇，不過仲未買啫。」主持人俞詠文（Angela）當然不會就此罷休，就繼續追問她是否賺夠「人仔」，她亦笑言：「都OK架！慶幸自己早幾年已經喺內地拍劇，所以依家生活都可以舒服啲，而且內地拍完一套劇後，佢哋會成日不停重播，好似喺邊度都可以見到自己，幾好。」

當日鏡頭前的Rain依然非常青春，但就被Angela踢爆她「已為人母」！原來Rain早前在內地拍劇《回家的誘惑》是飾演媽媽，她直言說：「個角色係自己入行之後遇到最大嘅挑戰，都大壓力架，但我就唔介意演一個又靚又有品味嘅媽咪。」

李彩華近年積極於內地發展。

鏡頭前的Rain依然非常青春，但就被Angela踢爆她「已為人母」！

採訪：專案組

髮型：Johnny Chong@Hair Corner

場地：At Corner