傅嘉莉學煮飯氹日男
傅嘉莉出席Dior活動，下月轉戰日本的她，笑言已準備最好狀態，並學了日語傍身，她表示會以拍廣告為主，另外亦會行騷，若發展順利，亦希望繼續下去，但仍會密切留意香港的情況。問她可想交一個日本男朋友？她回應：「都想架！而且對我學日文都有幫助！不過聽講日本男仔好大男人，又要女仔拎拖鞋，又要識煮飯！（乘機學煮飯？）都想，依家日圓咁貴，自己煮可減低使費，剩番多啲錢喺香港用！」
同行的Brain則表示最近與朋友一同修讀一個健身教練課程，每星期花十小時上課，為期三個月。他表示：「上完呢個course可以做運動員嘅教練！另外，仲學緊國語同英文。因為之前返內地工作，反應好好，想我留低拍劇，所以要練好啲國語！我都想搵人仔！而英文就幾時都有用，我自從做咗藝人之後，英文差咗好多！所以都想pick up番。」