汪圓圓感情認真低調護愛苗

汪圓圓、周汶錡（Kathy）、樂基兒、張舒雅、傅嘉莉（Kelly）、Square成員李柏煥（Brain）等出席「Dior Addict 誘惑唇膏Be Iconic派對」。圓圓被追問她與蔡加讚的戀情時，她即笑言回應：「啱啱開始。（見咗家長？）私人嘢唔想講。（怕影響男友？）大家都尊重大家嘅事業。我對感情、愛情好認真，唔想講太多私人事。」

家姐安排工作

圓圓表示目前很開心，新一年有工作，又加入了新公司與姐姐（汪詩詩）一同工作。問到她是否拍拖最開心？她又甜絲絲地回應：「各方面都好開心。（之後唔接親熱、性感嘅工作？）唔知，要問番公司，等家姐安排。（男友唔畀？）唔知，要問番佢。（點解唔講得？）我鍾意低調啲，拍拖係兩個人嘅事。不過好多謝大家恭喜同支持我！」

汪圓圓與蔡加讚戀情曝光，拍拖慶元宵。（資料圖片）

一眾名模為大會行騷。

要發生就發生

而Kathy早前被相士指她今年紅鸞星動，將嫁得出！她笑言：「都係好事嚟嘅，希望啦！都等咗好多年啦！不過真係唔知，呢啲嘢要發生就發生。（有冇計劃？）都未發生。（男友未求婚？）未傾。應該有機會嘅。我依家保留唔答，但接受大家嘅祝福。」問到有沒有被媽媽催婚？她笑言：「媽咪唔會畀壓力我。（怕唔怕畀人話攝灶罅？）盡力而為啦，依家係你哋逼我多啲！」

周汶錡開口恨嫁，並接受大家祝福。

張舒雅努力工作，要令大家對她改觀。

文：名人組