新進組合糖兄妹的糖妹Kandy形象可愛，在她身上永遠找到誇張的圖案及五顏六色的配搭，卻穿得出奇地很對味，總不會過分浮誇，似乎小妮子很有時裝觸覺。
早前，糖妹穿上恐龍造型的外套更覺可愛趣致，她表示：「件褸係咪好得意呢？係喺網上訂造o架！呢件褸係外國牌子Candy BuBu嘅出品，有個潮人依家幫佢做香港代理，件衫等咗成個月o架，因為個代理係我朋友先可以打尖，佢話當係生日禮物送畀我！」
糖妹表示向來愛留意時裝，當歌手後更加上心：「因為我好驚啲衫唔靚會畀人笑，其實我好鍾意充滿玩味嘅時裝，好似mercibeaucoup咁，可愛得來又特別，我以前試過跟日本雜誌玩成熟打扮，不過真唔襯我，我唔係性感材料！」
