戚黛黛巴黎常客遭法男摸Pat
前港姐戚黛黛先後到過巴黎旅遊達十多次，但去到世界有名的浪漫之都，黛黛不僅沒有期望有艷遇，更因一次不快遭遇，對法國男士更有厭惡戒心。
戚黛黛前後到過巴黎十多次，早前再與家人到當地旅遊，她說：「其實唔係特別鍾意巴黎，因為Daddy不時要去傾生意，好多時都係陪佢去。」巴黎是舉世聞名的浪漫之都，黛黛卻指踏足過多次不但沒有艷遇，反而有不快經歷：「有次試搭地鐵，裏面好逼人，有個法國男人埋嚟摸我Pat Pat，自此對法國男人嘅印象麻麻，唔覺佢哋浪漫，反而覺得普遍都好粗魯。」
黛黛過往到巴黎甚少拍照，今次難得與妹妹同行，實行到處留影，她說：「之前去巴黎都係行街買嘢，我本身唔係好鍾意影相，但妹妹就好鍾意，今次就不停咁影，仲特登坐的士去巴黎鐵塔，原來影鐵塔難度幾高，影極都唔滿意。」
狂擦甜品
生活在香港「醫肚」可以豐儉由人，但食在巴黎卻令黛黛覺得很頭痛，她說：「因為巴黎食嘢太貴，以往唔係捱麵包，就要破費去高級餐廳，但最近呢次發現唔少價錢適中嘅Cafe，一餐大約係七、八十蚊港紙。」
近期愛上整甜品的黛黛，也不忘四處光顧甜品店偷師，她說：「法國甜品好出名，我覺得佢哋最正之處係唔會太甜，食起嚟比較健康！」
搭的士 小心兜路
戚黛黛在巴黎搭地鐵有過不快遭遇，自此出入為安全計也會乘坐的士，黛黛分享在巴黎搭的士的心得，她說：「巴黎搭的士唔算好貴，但最煩係啲的士司機鍾意兜路，尤其依家多咗好多東南亞嘅司機，見你係華人仲兜到離譜，所以會盡量用有限嘅法文講出目的地，途中又睇住地圖監察。另外，雖然話法國啲的士可以坐四個人，但好多時前座都放滿雜物，所以通常預啲的士只載三個人好了！」
文：影視組