鄭融Mr.滾出新火花

隸屬不同唱片公司的Mr.與鄭融，前者玩搖滾樂，後者則唱流行曲為主，看似大纜都扯唔埋，但雙方攜手舉行《軒尼詩炫音之樂》巡迴音樂派對。雖然Mr.之前未試過跟鄭融合作，但他們大讚：「佢嬌小玲瓏，唱得跳得，好有爆炸力，今次大家crossover，希望擦出新火花。」

打鼓好型

鄭融一直好喜歡搖滾樂，很欣賞Mr.的歌曲：「佢哋玩band嘅好有凝聚力，搖滾音樂好有能量，我好鍾意佢哋首《黑色狂迷》，希望到時可以唱呢首歌，發洩一下。」鄭融坦言將來有機會亦想唱搖滾歌曲：「細個我想學打鼓，但畀人覺得好粗魯咪冇學囉！我覺得自己啲節奏感OK，覺得打鼓好型。」

Mr.一直追求夢想，主音Alan希望舉行一個十萬人音樂會，Tom及Ronny想似溫拿十年後舉行紀念演唱會，MJ盼Mr.將來推出一隻有代表性經典的CD，Dash則說：「最緊要大家有個心繼續做，齊心攜手為Mr.製造歷史。」

Mr.五子舉杯暢飲，預祝巡迴音樂派對成功。

嬌小玲瓏的鄭融想學打鼓，因為覺得好型。

重新出發

勇於嘗試的鄭融透露新碟邀得一班音樂人合作，包括側田、王菀之、G.E.M.等。她說：「就好似做實驗，睇吓起到乜化學作用。」休息了一段時間的鄭融希望展開新階段，轉換模式，透過音樂再重新出發。

文：音樂組　攝：黃叔榮

鄭融

Hair：Kate Shek@Hair Culture

Make up：Vinci Tsang

Wardrobe：mademoiselle