林欣彤緊張甩嘴師姐撐住

鍾舒漫（Sherman）、林欣彤（Mag）、劉璇、李治廷及狄易達前晚為《勁歌金曲》錄影，Mag早前加盟英皇成為Sherman師妹，兩人首次合唱兼大鬥唱功，還是新人的Mag錄影時甩嘴而要重錄。事後她坦言對住師姐很緊張，而Sherman力撐Mag綵排時表現非常好，反而自己「窒窒哋」，更希望日後有多些合作機會。

問Sherman對師妹Mag有何忠告？她說：「Keep住咁鍾意音樂，佢好有壓台感同魅力，其實我都係小學生階段，仲學緊嘢，大家一齊努力。」

問到會否教師妹跳舞？身旁的Mag即點頭叫好，Sherman說：「我介紹老師畀佢，一齊上堂啦！」

此外，Mag表示之前幾個月都忙於工作，故這陣子都希望放多些時間在學業上，讀多半年書才再想新工作計劃。

狄易達（左）新歌與排舞老師Sunny Wong合作。

人氣急升的李治廷前晚亦有現身。

劉璇先苦後甜

至於劉璇則獻唱劇集《女拳》的片尾曲，對於有指她搶贏陳法拉的戲份，劉璇表示不知情：「套劇係講黃飛鴻，我就演佢最後一個老婆，戲係比較多，而且要打，同法拉分配唔同。（獲TVB力捧？）都覺得TVB對我好好，可能知我以前做運動員辛苦，所以先苦後甜。」她表示跟法拉戲內戲外都是好友，不怕傳言影響感情。

文：影視組