千嬅批凸腩老公戲數已盡
剛榮登影后的楊千嬅，坦言不希望與丈夫丁子高合作電影，還不留情面的彈他大肚腩、Chok樣，甚至電影中擅加對白。若然老公拍戲實會「笑爆佢」。
楊千嬅以「第35屆香港國際電影節」大使身份出席記者會，宣布電影節開幕電影為《單身男女》和《香港四重奏Ⅱ》。剛榮升影后的她，問到會否與老公丁子高合作電影，她說：「唔好呀！合作實會鬧交，仲會影響感情，平時做活動就可以。（老公想演戲？）肯定冇，睇吓佢個肚腩，邊有演員係咁o架！佢個樣係要做小生，但佢又係咁Chok，咪搞！」
她還大爆丁子高出道時拍攝電影《飛虎》飾演警察一角，她不留情面的說：「佢明明係警察，但做到個賊咁。問佢做乜一跑就要掩耳，佢話要扮聽對講機。佢話導演唔畀佢講對白，自己仲走去加對白添，唔怪之得依家冇得撈啦，佢平時講嘢已經好緊張，如果佢演戲我實笑爆佢。」
畀人鬧冇得閃
至於《單》片導演杜琪峯表示一早想找千嬅演出，他說：「睇過佢啲片段，比我想像中好好多，做得好自然。（千嬅有心理準備畀你鬧。）唔會，佢咁醒，好快就畀佢化咗啲嘢啦。」千嬅得知後說：「即係話我賴皮呀？如果佢要鬧你都閃唔到啦，如果有益嘅鬧吓都應該。（讚你演得好。）唔鬧已好開心，仲讚喎。」
關錦鵬未揀定
另外，有份參與關錦鵬執導《香港四重奏Ⅱ》內其中一單元《上河圖》的詩雅和陳家樂均感到榮幸。詩雅指有機會與惠英紅合作感到開心，而陳家樂表示曾被惠英紅認錯是徐天佑。導演關錦鵬被問到新片《他的國》是否由台灣女星桂綸鎂取代范冰冰，他說：「同范冰冰識咗好多年，係有見過面傾。（選用桂綸鎂？）我做事一向寫咗劇本先，得到批文先開拍，未定。」
文：影視組