林莉屋邨大唔會白鴿眼
林莉昨以活動大使身份出席一由香港航空公司舉辦的活動，該活動將提供一百二十個機位讓家長帶小朋友到海南島旅遊兩日一夜。林莉自覺任重道遠，不會令自己失職，她說：「好多問題我哋都需要開會去諗，例如低收入家庭去旅行就會手停口停，咁佢哋生活費點算呢？」問她會否隨團到海南島幫忙照顧小朋友時，她說未必：「我覺得自己去未必係照顧佢哋，反而想去同佢哋分享，令佢哋知道要為自己增值，努力搵錢。」
出身於公共屋邨的林莉對是次活動非常有共鳴，她以前覺得自己很井底，畢業後才能賺錢到東南亞地方旅行。被問到曾否被人睇小時，她說：「唔會畀同一個圈子嘅人睇小，因為大家都低收入，物以類聚嘛。不過接觸咗呢個圈後就覺得自己有不足，無咩自信心，見識唔夠多。（睇小人哋？）我唔會，因為家人都好傳統，好簡單，就算依家見到啲清潔姨姨、保安叔叔，都會好照顧佢哋。」