任賢齊長槍插眼一面血

新年過後小齊馬上趕回蒙古拍攝《楊門女將》，前晚正拍煞科戲，小齊與對手通宵趕拍長槍對打戲，由於當地天氣嚴寒，對手一時反應稍慢，長槍直插小齊右眼，他即時掩面大叫：「停停停！」眾人大驚之下紛紛上前了解，小齊說：「我聽到有人大叫『送院、送院！很多血！』其實我淨係有少少痛，不過當時好黑乜都睇唔到，差啲畀佢哋嚇死，以為自己盲咗。」

化妝血當真血

事發後小齊不停解釋沒有事，但未獲理會，更被人按在地上，他說：「真係哭笑不得，梗係成面血啦！係化妝嚟o架！佢哋根本分唔清假血定真血。」其後助手前來穩定場面，並用消毒藥水抹走小齊面上的化妝血，立即發現只是右眼簾被長槍輕微擦損及腫了。小齊清洗傷口後即嚷着要和大家合照，並說：「我話小事已見到大家嘅關心，假如剛剛發生大事，有佢哋一定可以及時救到我。」

唔信栢芝拒拍

另外，有指同片另一演員張栢芝不肯放期演出，小齊力撐她工作認真，相信是溝通問題，直言兩人戲份在新年前已拍完，新年後未有碰面，他說：「我準備畀佢兩個小朋友嘅利是都未送出添呀！」

文：影視組