樂基兒最後計劃人工受孕

前晚Gaile以一身束腰的花裙配高跟鞋出席「Dior Addict 誘惑唇膏Be Iconic派對」活動，久未露面的她一臉神采，自言早前放假周遊列國，被記者笑問是否有「好消息」時，她即站後一步展示身形，以示未有BB。

替嘉欣開心

至於為何不捉緊放假的好時機造人，Gaile說：「唔知，冇諗過，可能係因為holiday season，又去好多飯聚，依家都未有計劃。（好似陳慧琳咁人工受孕？）我覺得每人都有自己嘅選擇，最緊要係BB健康，我依家都未開始（指造人），遲啲試過唔得就一定要試人工受孕。」Gaile表示已恭喜李嘉欣榮升母親，並送上禮物：「好替佢開心，見到佢佗住BB嘅時候都好靚！（會唔會令你加速想生B？）唔會。」

母愛氾濫的樂基兒一直恨生兒育女。（資料圖片）

相信黎明亦希望盡快做爸爸。（資料圖片）

迎接新工作

Gaile續說上周五才返港，剛過去的聖誕節及農曆新年假期都離開香港，和黎明到熱帶地方旅行，隨後又跟朋友去滑雪，不過黎明因要到內地拍劇而未能同行。Gaile更言近日不是特別忙碌，問到是否黎明不想她太辛苦，她說：「唔係，我依家呢個年紀，會選擇適合自己做嘅工作，而且啱啱過咗新年，新嘅工作又會開始多啲。」另外，李嘉欣昨日在微博寫道「M的手工藝」及上載一幅其兒子名字Jayden的貼紙的照片，原來坐月中的嘉欣，親自貼上貼紙以粉飾兒子的房間。

植入過程無痛楚

一般而言，人工受孕在香港需約10萬元費用，體外受精法是女方驗血後可靠藥物幫助排卵，並在男方身上採精，再在試管結合精子及卵子，形成胚胎後植入子宮。

植入過程不會痛，胚胎一般在子宮腔內停留1-2天後着床，成功着床就代表懷孕。人工受孕的成功率視乎夫妻的年齡及身體狀況而定，當然年輕會增加成功機會率，平均成功率達20%-30%，不成功可再接再厲，接受四次人工受孕，累積懷孕率高達80%-90%，惟香港不容許以人工受孕的方式選擇BB性別。

文：名人組