謝天華贊成拍拖谷收視
胡杏兒與黃宗澤罕有高調拍拖，適逢無綫正播映杏兒主演的《魚躍在花見》，未知是否有意藉此為劇集宣傳。記者昨日致電《魚》劇男主角謝天華，他笑言：「如果真係咁樣可以谷到宣傳，不失為一件好事喎！」他又稱拍劇時很少見黃宗澤來探班。
提到兩人之前在大陸拍劇奉旨拍拖，天華笑謂：「我諗佢哋喺大陸朝夕相對，都拍得好愉快。」再問天華會否為劇中弟弟張智霖的演唱會擔任嘉賓？他謂：「會都唔出奇o架！身為佢阿哥，一定會撐場。」天華透露大結局會到壽司店邊吃飯邊看大結局，更會嘗試聯絡身在大陸拍劇的楊怡返港。而同劇的敖嘉年一直覺得杏兒與黃宗澤很登對，但就不覺得高調拍拖可谷收視。