林夏薇唔坐順峯車

林夏薇（薇薇）、戴庚玲（Janine）、Jessica C.（JC）男友Sergio同為手錶品牌SWATCH擔任模特兒。首次擔任模特兒的薇薇坦言希望作多方面嘗試，問到她會否考慮加入TVB？她回應：「暫時冇諗過，之後會喺香港做舞台劇，以前喺內地都拍過電視劇同廣告。（因堂兄而名氣上升？）可能會啩。（有冇人想簽你？）暫時冇聽到。（靠堂兄關係？）我哋成家人都靠自己努力，成就感大啲，開心啲。」

目前單身的薇薇表示如有合適對象也想拍拖，對男友亦沒有特別要求，最重要是孝順及有實力。薇薇在言談間不經意流露出對堂兄林峯的仰慕之情，大讚他不嬲都好靚仔，會永遠支持他。對於有報道指林峯整容，沒有家族遺傳的大鼻，她力撐堂兄沒有整容：「有o架！一家人總有似嘅地方。」對於剛結婚的堂家姐，她大讚她性格善良。

JC與Sergio情人節在酒吧聊天，一樣溫馨。	Sergio讚女友為人慷慨，絕不斤斤計較。	林峯

Sergio以愛回報JC

此外，Sergio表示情人節與JC一同shopping，及後到酒吧喝酒聊天。問到有沒有送禮物？他大方回應：「送咗花同糖畀佢。（送鑽戒？）仲未。（有報道指JC貼錢畀你使，會唔會唔開心？）唔會嘅，JC好多工作，我自己都有嘢做。而且佢唔係淨係使錢喺我身上，佢對身邊所有人都好慷慨，所以佢好受歡迎。佢相信付出幾多，總有一日會返番嚟。（你會畀番咩佢？）愛。（會唔會妒忌佢咁紅？）唔會，我好戥佢開心！佢係一個好人，佢應得嘅。」

文：名人組