楊秀惠胸湧羊城呂慧儀認輸

楊秀惠「胸」贏呂慧儀，她說：「我成日輸畀佢，件衫係贊助嘅，尊重場合至着，嚟到至知好凍！之前我去慶功，導演鍾澍佳話我條低胸裙push得唔夠靚，今次話我有進步。過關先發現簽證過期，所以遲咗會合大隊。（情人節開工，男友冇投訴？）前一晚去咗睇戲，送咗件衫畀佢，佢聖誕已經送咗iPad，新年又封大利是畀我，唔想佢成日買嘢，兩個人開心就OK。」

同場的有《我》片演員，而黃宗澤指情人節開工是福分，他說：「大時大節冇嘢做就淒涼，我一向唔會特別慶祝情人節，禮都唔會送，唔使氹，心照就得！（新年有冇去胡杏兒屋企拜年？）淨係去咗阿姐（汪明荃）度拜年，杏兒新年唔喺香港，去咗美國登台。」

隨黃宗澤、曾志偉廣州謝票，楊秀惠大搶呂慧儀「峰」頭。

李治廷大受廣州粉絲歡迎。