傅嘉莉機中有危破財蝕底
模特兒傅嘉莉（Kelly）有感去年發展不俗，早前特意到大坑蓮花宮拜觀音，結果被相士指她今年有機會被人非禮及失財，奉勸Kelly要多加小心。Kelly更自爆，過去也曾被非禮。
Kelly過去一年事業順利，有幸與影帝劉青雲合演電影《索命童話》，更被模特兒公司頒予獎項。為求今年繼續事事順利，Kelly甫到蓮花宮即上香予觀音，祈求新一年事業順利及家庭和睦，她說：「我係佛教徒，習慣每年都會誠心拜神，希望屋企人都平安健康，咁我做嘢都會安心啲。（姻緣？）冇求呀！我唔心急，想奮鬥多幾年先。」
Kelly又為自身求籤，相士指她隨時會遭遇桃花劫和失財，令她頗為緊張地說：「嚟緊我屋企會裝修，所以都要小心保管財物。佢仲話我會畀人非禮，出夜街要小心啲。（畀人非禮過？）都有試過，明明條街好闊，啲男人都黐埋嚟行，毛手毛腳，跟住我最多係望吓佢就算o架喇。」
拯救海洋生物
去年Kelly先後到泰國、內地及日本工作，今年也驛馬星動，會有不少離港搵銀的機會：「我都想多啲出國做嘢，仲希望公司愈做愈好，擦出新火花。」不過就因為去年忙到要到處飛，大病了幾次，所以她都希望今年可以盡量抽時間休息，以最好狀態工作。
此外，她表示由細到大都非常喜愛海洋生物，更試過到海洋公園親手觸摸海豚。故她眼見一直以來有大量海洋生物被人類殘殺都感到非常心痛，希望人類可以停止此類行為，更揚言有機會會捐助牠們。
文：影視組