Mr.搵食艱難做埋sales

樂隊Mr.早前推出今年首支派台歌《Tonight Tonight》，他們有感現時的歌手不會用太多的力量去「谷歌」，於是想用另類方法宣傳。

出汗衣電話套

本地品牌Life Team繼周秀娜、關楚耀及陳柏宇等歌手合作出產品後，這次聯同Mr.推出汗衣、電話套及袋等產品，更會開設為期三星期的限定店，屆時他們將到店內客串做售貨員。

Mr.透露他們時刻想創業，認為可以將Mr.變得更多元化，成員Dash笑謂：「Mr.嘅音樂好多元化，我哋個人都可以做多方面嘗試！」主音Alan自爆他們的「搵錢大計」：「我哋成日想開特色飲食店，或者賣吓衫咁，今次當係試驗性質。無計啦，依家樓價好高呀，做歌手搵唔到食，所以要撈埋其他嘢！」

Tom拍拖睇騷

昨日情人節，問鼓手Tom如何與女友蔡穎恩慶祝？他表示兩人去了撐枱腳，但未有刻意準備禮物：「我哋唔注重物質，最緊要睇心意。（寫首歌氹女友？）到時出咗碟你咪知囉！」

Tom又在微博表示好開心能在熱爆鼓壇的網頁出現，而女友蔡穎恩亦在微博力撐並以他為榮，另外，他們前晚拍拖睇騷更大方合照，狂晒幸福！

Tom自爆在情人節沒有準備禮物給女友。

Alan兼職售貨員，必定吸引不少fans。

文、攝：盧坤穎