GiGi開騷男友講心避搶風頭
梁詠琪（GiGi）與外籍男友Matthew的首個情人節，她竟撇下男友為演唱會排舞，並事先張揚男友有意缺席她的個唱，避免搶她風頭，十分體貼。
GiGi昨日出席海港城「朱古力許願池」揭幕活動，適逢昨日情人節，她卻未有計劃與男友Matthew一起慶祝，她說：「完咗活動就要去排舞，排到今晚都唔知幾點先完。（收咗花同禮物未？）未收喎！（你送乜畀男友？）送演唱會飛當情人節禮物啦。」問可會補祝情人節？她說就算慶祝都避免出街食飯，因人實在太多。
登門拜年
GiGi承認新年期間Matthew有入鄉隨俗到她家拜年，當追問是否已見雙方家長時？GiGi即說：「我哋唔講呢啲嘢啦，男友話諗緊都係唔嚟睇我演唱會，因為上次佢去北京睇騷畀人追住影相，佢唔想模糊焦點！」記者取笑男友不想搶她的風頭？她即甜絲絲說：「係喎。」
速速減磅
有提議GiGi跟男友一齊上台？她笑說：「咁咪仲誇。（你唔畀佢出現？）一定唔會啦。」有提議可坐山頂位？她說：「要記者朋友周圍搵佢咁辛苦亦唔想，佢用心去支持我就得啦！」今個農曆新年，她因吃得太多賀年食品最終增磅，現要急急keep fit，因個唱上有些戰衣比較性感。
文：音樂組