志偉冇尾飛砣 愛女微博急call

【陳奕龍廣州直擊】曾志偉、呂慧儀、黃宗澤（Bosco）、邵音音等昨日齊集廣州，出席賀歲片《我愛HK開心萬歲》媒體答謝會，期間還開香檳慶祝，身兼監製的志偉，笑言希望內地票房能達五千萬元人民幣，那便心滿意足了。

呂慧儀多情人

談到情人節要於工作度過，志偉抵死地表示整日工作，不用煩惱，更謂：「李治廷同Bosco一講都即刻應承，呂慧儀就冇人吼，咪叫埋佢上嚟囉！」

對於女兒於微博留言表示找不到父親，還着網民幫忙尋父親，志偉哈哈笑謂：「因為我爸爸喺廿六日有追思會，到時會有本紀念冊，入面會有嘢寫，個女催我交稿。」

而單身一族呂慧儀，被問到情人節開工有否被投訴？她笑說：「個個Lover都投訴，太多都應酬唔晒，不過做嘢開心過拍拖啦，唔使煩約邊個。（收晒禮未？）收咗啲朱古力，不過花就冇，因為我唔鍾意收花，放幾日就冇，有人就送玫瑰花造型蛋糕畀我，都好安慰。（恨唔恨收珠寶？）有梗係好，不過自己能力買到仲好，所以要努力工作。」

談到以性感形象見稱的她，有否擔心影迷過分熱情？呂慧儀笑指已於微博約定他們於活動場地見面，不過並沒有為此做任何準備，在旁的志偉聞言後取笑她乃開放式，呂慧儀即反擊謂：「我係開朗式，好斯文，影迷見到我只會微笑啫！」

曾寶儀為找父親而出奇招，認真搞笑。右為曾國祥。

台前幕後人多勢眾，志偉期望可收五千萬元。