阿Sa收陳偉霆99朵玫瑰
蔡卓妍（阿Sa）和男友陳偉霆（William）的首個情人節浪漫滿瀉，昨日阿Sa在微博張貼心形曲奇的相片，William冧爆用手整心心相回應，齊齊留言「情人節快樂」高調晒愛。
昨午阿Sa戴黑超現身電台宣傳新碟，問她收到甚麼情人節禮物？阿Sa冧爆說：「收到99朵玫瑰花，係好特別嘅深粉紅色，仲貼住個大波波氣球。（冧唔冧？）都冧呀，未收過99支花。（送乜畀佢？）自製曲奇餅，阿嬌同祖兒都有，仲喺日本買咗閃石倒後鏡送畀佢。（佢冧唔冧？）ＯＫ啩。」
由於昨晚是英皇春茗，前晚兩人已提早慶祝情人節；阿Sa還乘機宣傳情人節推出的新碟：「碟套拉出嚟好似大頸巾，可以箍兩個人。」不知是否想箍住William呢！