王菀之（Ivana，圖）前晚與香港管弦樂團在香港大會堂演出，她表示是首次以管弦樂形式獻唱自己的歌，心情零舍興奮，不過以Max Mara蝦肉色長裙現身的她，明顯增磅長了不少肉，Ivana笑謂：「可能之前太瘦呢，新年係比較圓潤少少，不過之後為咗５月嘅音樂劇，都要開始地獄式排練，之後會瘦好多。」
10月底Ivana將於紅館開演唱會，但日子及場數仍有待落實，問她農曆新年期間可有與好友張敬軒見面？她說：「我有搵過佢但係佢冇覆。（仲避緊朋友？）唔係，佢冇事呀，上次見佢都好開心！」
