周慧敏經歷風雨自覺幸福
「玉女掌門人」周慧敏（Vivian）早前接受鄭丹瑞節目訪問，談到與丈夫倪震多年來經歷不少風雨，終在09年共諧連理，Vivian直言覺得很幸福：「能夠搵到一個我好愛而佢又好愛我嘅男人同我一齊生活，我哋係有經歷嘅，有一種力量為對方付出，講真其實好難，要通過好多唔同嘅考驗至可以睇到，所以我好珍惜依家擁有嘅家庭。」
Vivian自言19、20歲時就認識倪震，當時大家還未有事業基礎，但她相信若他現在不是其丈夫，彼此仍會是很好的朋友及精神伴侶：「我依家43歲，有一半時間係同佢交往相識，能成為今日嘅我，佢佔咗好大嘅功勞，佢好疼愛我，畀好多有建設性嘅意見，我好開心有佢支持、愛護我，令我有力量去付出同承擔。」