秋官護欣宜甩漏難免
汪明荃（阿姐）及鄭少秋（秋官）事隔十二年於兔年再次攜手開演唱會，對於女兒欣宜早前演唱失準而當場落淚，秋官出言維護愛女說：「台上表演實有甩漏，幾多大歌星、大明星都有！」
阿姐及秋官這對螢幕情侶繼99年後再次攜手開騷，將聯同殿堂級的日籍音樂家喜多郎於4月1、2日假紅館舉行《鄭少秋‧汪明荃‧喜多郎新紀元2011演唱會》。
初次拍喜多郎
阿姐表示：「今次同喜多郎先生第一次合作，我知佢好少同香港歌星合作，今次係好難得嘅機會，我聽咗佢改編首《紫釵恨》，真係好特別、好滿意！」問到會否邀請老公羅家英上台？阿姐說：「唔會喇，唔夠時間，我哋兩個人唱，仲要分啲時間畀喜多郎先生！」
買百隻碟支持
秋官及阿姐早前分別到新加坡工作及旅遊，秋官說：「欣宜唔得閒啦，不過忙都係件好事，我買咗一百隻佢嘅碟支持佢啦，唱得好好！（早前佢為《勁歌金曲》失準而喊？）係咪唔舒服呀？可能感冒呀，我以前都試過咁，發台瘟、有啲甩漏成日都會，幾多大歌星、大明星都有，熟能生巧，練多啲就無事！」
採訪：音樂組