吳浩康單挑警察威番次

曾承諾父親不再參與打拳比賽的吳浩康（Deep），最近獲警察拳擊會邀請他作慈善賽，自言有「威」的感覺，而當老竇得知有警方聯絡他時，還以為他又闖禍，得知是誤會才眉開眼笑。
身為泰拳高手的Deep，最近獲警察拳擊會邀請他參加慈善賽，令他相當自豪。（資料圖片）
身為泰拳高手的Deep，最近獲警察拳擊會邀請他參加慈善賽，令他相當自豪。（資料圖片）

據知一個由現役警察及退休警察組成的拳擊會團體，近日主動邀請泰拳高手吳浩康參加五月舉行的慈善賽，阿Deep昨日在電話中說：「係呀，好開心，警察搵喎，畀我威一次。」並自爆老竇得知有警員聯絡他到差館時，以為他又闖下大禍，大聲喝問他發生甚麼事？當得知是一場誤會才笑得出。

獲家人支持

阿Deep又承認老竇、公司一直反對他再打拳，尤其去年底他在一場泰拳比賽中受傷要入院縫針，被老竇鬧到狗血淋頭，他承諾過老竇不再參加打拳比賽，但今次是為慈善而賽，故得到家人及公司支持，他說：「佢哋唔想我打比賽，唔係驚我整花塊面，係驚我受傷，擔心我安全，但今次係好有意義，為班曾犯事嘅年輕人參賽，鼓勵佢哋同帶出正面訊息，因為係慈善賽，唔會分輸贏，壓力都冇咁大。」

Deep去年底在一場泰拳比賽中受傷要入院縫針。（資料圖片）
  • Deep去年底在一場泰拳比賽中受傷要入院縫針。（資料圖片）
Deep指今次參賽得到家人及公司支持，相信女友莊思敏（右三）亦包括在內。（資料圖片）
  • Deep指今次參賽得到家人及公司支持，相信女友莊思敏（右三）亦包括在內。（資料圖片）

赴警署開會

Deep坦言當年因犯錯事被拉，他曾經很憎警察，但現在就不會，他說：「佢哋唔係害我，都係維持社會秩序，為我哋年輕人好。」日前他到警署為今次慈善賽開會，他笑說：「今次我行入去係有建設性，唔再係有啲乜發生，係有好事發生，能夠幫到人做有意義嘅事，我係好開心，覺得自己好威。」

文：音樂組