歌手狄易達昨日到電台接受訪問，最近傳出因唱片公司老闆之一的「殼王」陳國強入主無綫令他曝光率大增。
狄易達尷尬的說不覺得：「我上《勁歌》嗰首歌都輪咗好耐先上到。（有劇搵你做第二男主角？）我相信叻哥（陳百祥）都幫我好多，可能因為我上年主持《安樂蝸》節目反應唔錯，佢幫我講咗好多好說話。（你依家係親生仔，挑戰林峯？）唔敢講，驚惹禍。都係自己做好啲，令大老闆知道我存在。」
