鄭裕玲唔捱夜享受人生

鄭裕玲（嘟姐）、楊天經、鄧上文和梁嘉琪主持無綫節目《更上一層樓》，昨日在何文田山道過億豪宅舉行記者會，是圈中富婆的嘟姐面對價值一億六千萬的複式示範單位卻未有心動，她慨嘆目前樓價實在太高，笑言如果要買豪宅要先「賣咗」自己：「不過冇錢都睇吓，政府打擊樓市兩個月又收手。或者唔買啲咁貴，買細單位當儲錢。」嘟姐有投資股票、基金，揚言不會揸太多物業，最緊要享受人生！
鄭裕玲
鄭裕玲

十年前已定下只當主持人不拍劇的嘟姐，已成功達標，早前她與周潤發碰頭，發哥「撩」合作拍劇，她說：「聽佢講，佢喺大陸拍嘢搵咁多錢，我自己就覺得拍戲、拍劇捱更抵夜，好辛苦。」新年她與曾志偉到新加坡為Janet Jackson演唱會擔任司儀，參觀環球片場時更見到很多巨星及作近距離接觸，她說：「好開心，喺香港可以唔使睇喇。」

左起：鄧上文、鄭裕玲、梁嘉琪和楊天經在豪宅出席記招。
  • 左起：鄧上文、鄭裕玲、梁嘉琪和楊天經在豪宅出席記招。