嘉欣得亨亨貼身呵幸福上臉
李嘉欣（Michele）產後仍容光煥發不失大美人之稱號！她感激丈夫廿四小時陪伴在側，而小JM經常撐手撐腳兼頸力驚人，為他掃風時能回頭偷看母親的容貌。
喪玩微博的李嘉欣上載了產後最新照片，相片並以「新手媽媽在手忙腳亂中歇息一會」為題，以淡妝示人的她難掩嫩滑肌膚，未見任何水腫和其他產婦後遺症，果然得天獨厚，只見身穿粉紅色浴袍、拿着保溫杯的她，一派悠然自得，臉上掛上幸福笑容毫無疲態，羨煞旁人。
冇肥又冇腫
產後Michele仍容光煥發，不肥不腫，原來與老公有關，她透過好友Peter接受訪問時說：「Julian（許晉亨）真係廿四孝老公和老竇，佢陪足我咁耐仲喺醫院瞓。呢個廿四孝Daddy日日笑到四萬咁口，小JM推去嬰兒房餵奶換片一陣都唔捨得。」又說尚未開始進補，但已收到很多朋友送的補品，之後會請人陪坐月。雖然Michele心情喜悅，卻不能笑得太放縱：「因為開刀生，傷口未完全埋口，唔可以哈哈大笑否則傷口都會痛，要忍吓口o架！」
小JM好頸力
談到小JM時，Michele指BB開始收水，樣子更每日都有變化：「佢好大力，成日撐手撐腳，仲有個奇景係我同佢掃風時，佢伏低都可以擰轉頭凌空眼碌碌咁望我個樣，好愕然佢咁有頸力！」
在微博看到嘉欣的最新靚相，鍾欣桐亦留言說：「生完BB都咁靚，恭喜靚媽咪。」而Janice Man則自稱「大JM」祝「小JM」快高長大，收到朱古力雪茄的她揚言捨不得吃，要好好珍藏！雷頌德太太Jade亦大讚嘉欣是最靚的媽咪。至於嘉欣經理人陳善之有SMS畀嘉欣，因她有點攰，又多親友前來探望，還是過兩日才去探望。陳又說每天都收到很多廣告客戶致電，找嘉欣或母子檔拍BB產品或健康飲品廣告，極有興趣地排住隊等。至於酬勞則未傾到，要視乎Michele有沒有興趣而定。
文：影視組