徐子珊預傳不和望破宿命
徐子珊跟頂替佘詩曼拍攝《法證先鋒Ⅲ》的張可頤，甫開工兩天即傳不和，有指可頤不滿子珊拍攝時喪笑影響情緒而藐爆她。昨日子珊在電視城開工，她無奈說：「真係多謝畀份新年禮物我，開鏡時我都話預咗唔係傳不和就係緋聞，唔好分化我哋啦，仲有排拍o架！（你對手長期配呢啲新聞喎！）咁大件事？希望可以打破宿命。」
問到她拍攝時可試過忍不住笑，子珊笑言：「我係認真嘅演員，嗰日場戲係查案要對住條死屍，點會有感情呀！」子珊謂遇到可頤不會尷尬，還會主動講此話題。
此外，對於《仁心解碼》結局只得平均23點收視，子珊謂因有好口碑，也不太失望，並謂已向監製提議開拍續集。