曾咏戲癮大發

同樣高頭大馬的模特兒曾咏及顧婭棋,今年都希望能向電影界發展。曾咏表示:「除咗做模特兒外,想試下拍戲同拍MV。上年有試過拍MV同喺電視度客串過,自己好享受,都想再發展。自己亦學過做戲,不過因為好忙,只係上咗幾堂。其實模特兒行騷都係一種演出,希望可以好似師姐Lynn(熊黛林)一樣拍戲,擴闊自己嘅事業。以前覺得自己太高,唔可以拍戲,但見Lynn咁成功,覺得自己都可以做到。」

而顧婭棋笑稱自己由上年九月開始,一直行好運,工作不斷,更有機會參與電影《一代宗師》,令她十分期待開工。今年的願望是好好儲錢及理財,並計劃與朋友合作搞生意。