張繼聰籲樂壇一團和氣
張繼聰與師妹新人梁佑嘉（Abella）接受娛樂onShow專訪，身為「志雲黨」的張繼聰對於四大與無綫糾紛仍未解決，他似乎為屬「四大」之一的太太謝安琪設想，希望事件盡快解決！
張繼聰偕公司師妹梁佑嘉亮相娛樂onShow，接受主持人周吉佩專訪。入行五年的張繼聰早前舉行演唱會，他在訪問中大談演出感受，更自爆當日穿上半截裙表演時，擔心坐第一行的觀眾看到他走光，節目內容豐富精彩！
志雲停職冇影響
張繼聰除了大談個人事業，更提到「四大」與無綫之間的糾紛，由於其太太謝安琪屬環球旗下，自然令他有深切體會，他和Abella不約而同表示近年唱片市道不景氣，因而歌手之間應更加團結，他說：「其實我本身唔係四大歌手，所以冇影響，唯一影響係成日有啲人以為我係四大唱片公司，其實我唔係，所以成日有啲帽唔覺意戴咗我度，但對於我嚟講，始終唔知公司與公司之間協議，但如果純粹作為一個歌手，我希望一團和氣會好啲，應該多啲平台畀啲歌手，對觀眾開心好多。」至於早前陳志雲停職，問對他有否影響？他說：「我已經練到冇咩人可以影響到我，因為每一個人都唔應該畀任何人影響到，當時我搞緊自己舞台劇，又要忙住做唱片，所以實質上冇大影響。」
師妹走爽朗路線
而本月首次出碟的Abella，表示希望走爽朗路線，一於做回自己，她表示大碟獲張繼聰替她編曲，希望日後師兄有時間教她彈結他，問到四大與無綫之間的紛爭，對作為新人的她有否增加壓力？她說：「唔會，樂壇要百花齊放，如果去一個活動來來去去都係嗰啲歌手，觀眾可能都覺得唔夠新鮮感。」
文：專案組