霆鋒獸性現 明奸范冰冰
謝霆鋒在英皇電影賀歲新片《新少林寺》一改戲路，首次飾演奸角，更向戲中對手范冰冰施以酷刑。霆鋒坦言今次是從影以來最奸一次：「當陳木勝導演叫我演奸角時，我同自己講一係唔做，一係就奸到最盡，要衰到冇人有！（嚇親冰冰？）我同佢認識超過十年，有晒默契，佢好明白啲虐待戲可以畀佢有得發揮。我今次係特登『醒』佢！我諗對手如果唔係冰冰，效果未必咁好，亦未必拍得咁流暢。」
連環施虐
冰冰雖然被霆鋒扯頭髮、困獸籠、拖地行、浸水缸底，更被對方用舌頭舔面，但冰冰說：「拍浸水缸場戲嗰日氣溫接近零度，劇組安排咗溫水畀我浸，但我都凍到震，霆鋒浸我個頭落水，遲遲唔縮手。其實係我哋商量過，呢場戲如果佢隻手縮得遲啲，等我浸喺水度再耐啲，場戲會更加緊張。（唔怕浸親？）我同霆鋒合作好多次，拍之前亦都傾得好清楚，所以我絕對信任佢！」
另外，霆鋒老婆張栢芝帶兒子Lucas出門到澳門慶祝新年，昨日有網友拍得栢芝手抱Lucas落船照片，並上載到微博，網友更大讚Lucas：「影得半邊面，一樣咁可愛！」
文：影視組