趙碩之唔想只賣巨胸
趙碩之將和師弟鍾一憲、師妹麥貝夷為明日（2日）舉行的《東區文藝薈萃工展》行時裝騷，前日三人試穿由香港傳藝中心設計系學生設計的作品，當中以碩之的新裝最性感，僅得一個黑色bra top及毛毛頸巾遮蔽36D咪咪，下身則是高衩裙騷長腿；另一套是胸口開窿短裙，盡騷三吋長事業線，她更全程配合扭腰挺胸擺甫士。
碩之大讚學生的作品意念前衞、大膽：「試衫時，佢哋叫我貼個乳貼（行騷）就得嘞，嘩！好犀利，不過我擔心走光，行騷有啲危險，所以我另加一個bra top，正式時就唔知會唔會加工。（想封胸？）唔係，個胸天生架，點都搬唔走。」新一年她欲作多元化發展，不想賣點只得巨胸，多接不同類型的騷。
