DaDa裸住做影後
「百果園咪神」陳靜（DaDa）的曝光率在去年力壓眾咪神，「峰」頭一時無兩，在2011年全力向影壇邁進的她，努力瘦身保咪，誓要再創高「峰」，做足心理準備「裸」住做「影後」！
陳靜（DaDa）去年愈戰愈勇，人氣直帶到年底，成功揮低同期的一眾𡃁模，曝光率爆燈！捧着代表「2011」桌球的DaDa，祝讀者新年進步、事事順利。
身材未夠好
DaDa透露今年將全力向影壇進發，曾揚言拒半裸演出的她只擔心身材未夠完美，她坦言：「真係肥咗啲，冬天成日打邊爐，我今年嘅目標係食少啲減肥。（唔怕上圍縮水咩？）唔怕，我仲會做機，咁樣可以瘦身唔瘦胸。」
在新一年，DaDa誓要積極瘦身，準備再創高「峰」，兼做定心理準備在大銀幕露背「裸」彩：「唔想半裸係因為身材唔夠好，個Hip唔夠Firm，等我瘦到一個滿意程度，先考慮半裸咁露背演出，我依家需要時間衝破心理關口，現階段都係着住泳衣先。」
唔怕比峰頭
DaDa所屬的經理人公司人才輩出，繼「E Cup教主」鄧伊玲（阿旦）將推出超激寫真後，新加盟的「爆E超蓮」鍾永慧（Iris）亦來勢洶洶，問到DaDa可會擔心被搶「峰」頭？她大無畏地說：「唔怕，大家係好朋友，有競爭先有進步，而且個個女仔都有唔同特色，唔怕會正面交鋒。」
文：專案組 攝：劉智源 服裝：Killah 場地：凡高廚房