張繼聰自嘲住得遠收唔到風

去年10月加盟金牌的張繼聰似乎被公司忽視，昨午接受本報電話訪問時竟不知公司「打大風」，自嘲是「低級職員」：「完全唔知，可能我住得遠，啲風仲未吹到我嗰邊，加上我係閂窗瞓覺，我只係低級職員，只係喺party同event見過兩位老闆。」

吳雨霏支持決定

跟「太子黨」鄧麗欣爭一姐的吳雨霏，就比張繼聰好彩少少：「鄭生有打畀我，好震驚！聽佢解釋係想陪屋企人，我會支持佢，但覺得好可惜，佢睇住我長大。」吳雨霏謂跟龐維仁食過幾次飯，大讚他好好人，不擔心工作受影響。而將轉戰北京發展的側田亦有收到鄭生電話，並祝他生活愉快。

至於加盟金牌兩年的大陸歌手周筆暢則說：「深深感受到這個大家長對我的關心和愛護，雖然對於他這個決定有點遺憾，但也尊重和支持他。」

金牌大風人強馬壯，不過當中蘇永康等已蟬過別枝。

吳雨霏感激鄭東漢一直的照顧，祝他生活愉快。