顏后君 黃子菲揀三級禮物開P
昨日o靚模顏后君（舌施）同黃子菲孖住行商場，當二人行過精品店時即被性玩具吸引，如胸部Mouse pad等，仲邊睇邊笑。當她們發現記者拍攝時都肯大方合照，被問為何狂睇「成人玩意」，黃子菲即解釋是為明晚的除夕派對揀禮物：「之前同朋友交換禮物時，有人送出大胸圍按摩器，覺得又好笑而且又夠實用，所以咪過嚟揀下囉。」
對於最近何超蓮同前男友Jeremy分開，身為Jeremy前度緋聞女友的舌施表示睇報道先知二人已分手，並說：「我好耐無搵佢（Jeremy），我之前去咗美國成大半年都無聯絡過。（去做咩？）搞音樂同試下填詞，希望遲啲喺音樂上發展。」
