陳嘉容四姊妹星洲喪食

早前模特兒陳嘉容（Eunis）與三名胞姐到新加坡旅行，Eunis笑言今次是出生以來，四姊妹首次一齊同行，非常難得，四人瘋狂品嘗當地美食及玩盡名勝，她說：「我哋好鍾意食新加坡嘢，食咗胡椒蟹、喇沙、蝦麵、肉骨茶。」Eunis又指大家恍如回到童年，在環球片場玩到濕身：「我哋去玩侏羅紀浮床，玩到全身濕晒，好在我着嗰件係有色衫，我家姐着白色衫就慘喇，變咗透視裝。」不過，講到最難忘的是四人齊齊去賭場碰運氣，每人夾一千港元玩大細，最後全軍覆沒，她總結說：「今次畀我教訓係去賭場都係輸錢。」