趙世曾派卡片教佳麗游水

趙世曾前晚招待2010中國小姐大賽入圍佳麗共進晚餐兼唱卡拉OK，期間陽金津大讚趙家大宅泳池漂亮，惜不懂游水，趙世曾聞言即發揮花花公子本色，主動稱可教對方，並誇口說：「包你三日學識，學唔識我畀一萬蚊你。」問他是否成日教人游水？他說：「我教過幾百人，男女都有，女仔就多啲，兩個仔都係我教，但冇我游得咁好。」接着他更向眾佳麗派名片。唱K時，趙世曾又大讚曹越歌藝精湛，笑言要介紹她畀英皇，冧得曹越冧笑。同場還有其兒子趙式正、女星貝安琪及其母親劉香萍、女藝人蔡慧敏以及中國小姐大賽總組委會執行主席伍小平。
趙世曾大讚曹越（右）歌藝佳。
趙世曾大讚曹越（右）歌藝佳。

另外，趙世曾昨晚出席「兩岸四地共融愛心晚宴」時，主動澄清佳麗們穿比堅尼陪食晏一事：「我同大會冇規定佳麗要着泳衣食飯，大會話係穿便服，因為冇時間換衫，先穿泳衣，我屋企開好大暖氣，我問過晒佢哋冇人凍親，同埋係冇畀利是佢哋，未選出嚟唔可能收利是。」他又提到自己佩戴太陽眼鏡原因醫生建議他雙眼不宜受強光刺激。身為評委之一的趙生，要求佳麗要高、東方面孔以及談吐儀態有禮，席間更會選出一名《卓能最具時尚獎》佳麗，將有機會成為卓能代言人，拍攝廣告。

聖誕假期去邊度玩？即上on.cc東方互動《享樂聖誕2010》專輯，為您一站式搜羅各類聖誕消費情報！

趙世曾向陽金津派卡片，揚言三日包教識對方游水。
  • 趙世曾向陽金津派卡片，揚言三日包教識對方游水。
戴上黑超的趙世曾與伍小平合照。
  • 戴上黑超的趙世曾與伍小平合照。