新婚的陳倩揚於本月頭拉埋天窗，但未安於當「少奶奶」而減少露面，反而立即投入工作，精於日語的她早前訪問來港宣傳的日星山下智久，主持工作是「未停過」，十分搏殺！不過，她亦未見冷落老公及家庭，早前更特地逛街市買材料包餃子畀老公食，可謂甜到漏！
入得廚房出得廳堂的她家庭事業兩得意，揚言婚後不設防隨時準備生B，早前更透露：「有仔梗係趁嫩生啦，我啲朋友都係咁，修身都快啲架！所以我依家隨時都Ready架啦！」