王喜炒鍾嘉欣北上偷歡
螢幕情侶鍾嘉欣、王喜在今個聖誕節要「分頭搵食」，雖然王喜揚言已「怒炒」嘉欣，獨自北上搵食，不過有情有義的他仍眷顧住好拍檔，自己起程往搵銀前都親送「遣散費」給嘉欣。
嘉欣要拍攝新劇《抉宅男女》，未能在黃金檔期與王喜拍住上搵銀，所以被王喜「炒魷魚」，雖然嘉欣要開工，但她依然開心：「冇所謂啦，但唔使開就更開心，其實入行多年，年年都要開工，六年幾冇同爸媽、家姐慶祝，（明年聖誕帶埋男友返加拿大探父母？）梗係！不過等搵到先至算啦。」
贈送香薰機
談到新年願望，嘉欣望可快推出新唱片及所演的角色被認同，當然還要身體健康，去年她健康麻麻，亦令她學識珍惜身邊人、珍惜生命。
另一邊廂，王喜雖「怒炒」嘉欣，但有情有義的他見嘉欣早前經常失眠，遂送上香薰機當「遣散費」，希望可以助她入眠，至於聖誕節，王喜則另有「新歡」：「我會喺廣東省好多酒吧登台，會同『人仔』（人民幣）齊齊過！係人仔，唔係人妻呀吓！」
開拓新領域
過去一年，王喜謂無論自己或朋友都起落很大，尤其在朋友的沉重代價中學到不少，而自己事業亦在下半年才好轉，故寄望新一年可搵到個實力非凡的經理人，為他開拓電視以外的工作。
文：影視組 攝：沈健程