冬甩接Job至上最緊要搵銀
o靚模組合冬甩今年又出月曆、又出寫真，可算是吸金不少，就連聖誕、除夕都要忙住做騷搵真銀，而她們都不介意佳節在工作中度過，因為足以證明自己仍有人氣！
今年聖誕，o靚模組合冬甩成員胡心諾（Rainbow）、曾寶玲（Ar Yu）、劉瑋欣（Vilian）及何嘉兒（Sweet）都要在工作中度過，但她們毫無怨言，反而高呼工作愈多愈好，原來Vilian去年聖誕亦在工作中度過：「上年第一年入行，參加亞洲遊戲展，好記得平安夜、聖誕節都係喺會展度過，日日都做到夜晚七、八點，真係好難忘！」最後她更勝出遊戲展小姐選舉，令「加班」倍添意義。
聖誕展初戀
一提起聖誕節，Sweet即時想起她的初戀：「第一次有男仔向我示愛就係喺聖誕節，嗰日我哋喺海旁，佢買咗好多支花畀我，後來我同呢個男仔拍咗半年拖就分手。」不過有人歡喜就有人愁，原來Ar Yu之前試過在聖誕節分手！而Rainbow就每年都會跟朋友交換禮物，每次都令她非常頭痛，但今年就不用再愁：「我今年有四、五份交換禮物要買，諗住全部送晒簽名嘅冬甩月曆！」
文：專案組 攝：黃叔榮