岑潔儀聖誕有禮
陶喆緋聞女友岑潔儀（Zoey），聖誕當然不愁寂寞，收到的聖誕禮物更多不勝數，Zoey說：「最有心思係呢棵聖誕樹，只要淋一次水，佢就會自己生長，睇住佢一日一日成長，感覺好特別，自從我細個讀書種綠豆睇佢哋發芽之後，唔計收花，我都冇乜機會咁近距離接觸植物，呢棵聖誕樹有得玩又應節，比起就咁買棵聖誕樹返屋企，好玩得多。」
Zoey收禮之餘，亦不忘自己買禮物獎勵自己：「我舊嗰部手提電腦係粉紅色，我超鍾意，但因為跌爆咗個mon，橫掂諗住upgrade，所以都唔整，索性買呢部金色有玫瑰圖案嘅新機，（唔叫男仔送？）我唔可以冇手提電腦用，因為我日日都上網玩微博同game，所以就買咗呢部手提送畀自己當聖誕禮物。」
